Add new comment

20,000 votes likely to be thrown out in Wardak

 
ميدان ښار (پژواک ۲۴ ورى ۹۳): په ميدان وردګو کې د ټاکنو د خپلواک کمېسيون مسوول وايي ، چې په دغه ولايت کې سل زره رايې کارول شوې دي.
 په دغه ولايت کې د ټاکنو خپلواک کمېسيون رييس انجنير نورالله د وري په ۲۴مه پژواک خبري اژانس سره په خبرو کې وويل ، چې سل زرو کسانو د ولسمشرۍ او ولايتي شورا کانديدانو د وري د ١٦مې په ټاکنو کې رايې ورکړې دي.
هغه زياته کړه، چې له ټاکنو وروسته په دغه ولايت کې د شکايتونو خپلواک کمېسيون ته د اته دېرشو په شاوخوا کې شکايتونه رسېدلي دي.
د نوموړي په وينا، ښايي د شکايتونو د څېړلو په پاى کې د دغه ولايت شل زره رايې باطلې هم اعلان شي.
په همدې حال کې په دغه ولايت کې د ټاکنو خپلواک کمېسيون يوه غړي د نوم نه ښودلو په شرط پژواک اژانس ته وويل، چې په دغه ولايت کې د ولسمشرۍ  په کانديدانو کې  تر ټولو زياتې ډاکټر عبدالله، ډاکټر اشرف غني احمدزي، ډاکټر زلمي رسول، قطب الدين هلال او استاد عبدرب الرسول سياف د کمو رايو په توپير سره پرله پسې رايې ترلاسه کړې دي.
سرچينې پژواک ته د ولسمشريزو کانديدانو د رايو د دقيقې شمېرې له ورکولو ډډه وکړه.
دا په داسې حال کې ده، چې يو شمېر باوري سرچينو پژواک خبري اژانس ته ويلي وو، چې د ميدان وردګو په جغتو ولسوالۍ کې د رايې ورکولو بهير هېڅ نه دی ترسره شوی .

CAPTCHA
This question is for testing whether or not you are a human visitor and to prevent automated spam submissions.