ټاکنيزې مبارزې

کابل (پژواک، ١١ تله ۹۸): ولسمشريزو ټاکنو ته نوماند حکیم تورسن د ناامنیو له امله د هېواد په خپه چاپيريال کې د ګرمو ټاکنیزو سیالیو پر مهال خلک خندولي او خوښي یې ورکړې ده.

 

کابل (پژواک، ٦ تله ٩٨): د ولسمشرۍ ټاکنو د کمپاين مودې پاى ته رسېدو وروسته د سکوت په دوه ورځنۍ دوره کې د نوماندانو پلويانو په ټولنيزو شبکو کې په نوې بڼه په کنایه کې د شمېرو په کارولو سره کمپاين وکړ.

کابل (پژواک، ۳ تله ۹۸): د پژواک څېړنه ښیی چې د ګمرک د عوایدو د ډېروالي په برخه کې د ولسمشرۍ د نوماند حکمتیار څرګندونې یو څه سمې، خو د مخابراتو د عوایدو د ډېروالي په برخه کې د هغه څرګندونې ناسمې دي.

کابل (پژواک، ۳ تله ۹۸): په ټاکنو کې ښکېل لوري، د ځینو ټولنیزو شبکو کاروونکو، رسنیو او کاندیدانو له خوا د ولسمشرۍ ټاکنو د کاندیدانو د خصوصي حریم پر نقض نیوکه کوي او د دغه کار د مخنيوي غوښتنه یې کړې ده.
خصوصي یا شخصي حریم، د یوه کس شخصي اطلاعاتو ته وايي؛ د شخصي حریم خوندیتوب د یوه اصل په توګه، په ځانګړي ډول په پرمختللو ټولنو کې منل شوی او دغه حریم ته درناوی د ښځو او سړیو په ګډون د ټولنې د غړو یوه له اخلاقي کړنو حسابېږي او د افشا کېدو له امله یې شخص ته جسمي، مالي او رواني زیانونه پېښېږي او ان قانون او محاکم هم نه شي کولی له کره دلایلو پرته پر شخصي حریم تېری وکړي.

 
کابل (پژواک، ۳ تله ۹۸) : د ټاکنو خپلواک کمېسیون وایي چې د ولسمشرۍ ټاکنو ته د نوماندانو ټاکنیزې مبارزه د نن شپې نیمايي کې پای ته رسېږي، په هغه صورت کې چې کوم نوماندان سرغړونه وکړي قانون چلند به ورسره وشي.
د ټاکنو خپلواک کمېسیون ویاند عبدالعزیز ابراهیمي له پژواک خبري اژانس سره په خبرو کې وویل چې د ولسمشرۍ ټاکنو د مهالوېش له مخې، د ولسمشرۍ ټاکنو ټاکنیز کمپاین نن شپه ۱۲ بجې پای ته رسېږي او د سکوت دوره پیلېږي.
ټاکل شوې ده ولسمشرۍ ټاکنې د وران کال د تلې په شپږمه ترسره شي.

کابل(پژواک، د تلې لومړۍ نېټه ۹۸):  د پژواک خبري اژانس موندنې ښيي چې د ولسمشرۍ ټاکنو کاندیدانو ځینې ژمنې خیالي او د عملي کېدو وړ نه دي او دغه کار په را روانو ټاکنو کې پر کاندیدانو د خلکو د بې باورۍ لامل شوی دی.
د ولسمشرۍ ټاکنو د کاندیدانو ټاکنیزې مبارزې د روان کال د زمري په شپږمه رسماً پیل شوې او ټاکل شوې د ټاکنو له ورځې (د تلې شپږمه) ۴۸ ساعته مخکې دوام ولري.
د پژواک موندنې ښيي چې په دې موده کې ځینو کاندیدانو د خپلو کمپاینونو په جریان کې د خلکو د باور جلبولو لپاره خیالي ژمنې وړاندې کړې چې د عملي کېدو وړ نه دي.

کابل (پژواک،١٥ وږی ٩٨): د ولسمشرۍ ټاکنو نوماند ابراهیم الکوزي د خپل ټاکنیز کمپاین په لومړۍ ورځ وویل، هېچا ته به د ټاکنو د مهندسۍ اجازه ور نه کړي.

 

مزارشريف ( پژواک، ۱۰وږی ۹۸)  د بلخ ولايت په مرکز مزارشريف ښار کې تېره شپه د دولت ساز ټيم پر يوه کمپايني دفتر وسله بريد او نښته شوې؛ خو تلفات نه لري.
بلخ کې د دولت ساز ټيم د يوه کمپايني دفتر مسوول ذبيح الله کاکړ د وږي په ۱۰مه، پژواک ته وويل، چې درې وسله والو تېره شپه نهه بجې د دوی په دفتر بريد وکړ.
 هغه زياته کړه، د بريد پر مهال يې د دفتر ساتونکي موجود وو او له بريدګرو سره يې ۱۵ دقيقې نښته وکړه.
کاکړ وايي، له نښتې وروسته بريدګر له سيمې څخه تښتېدلي دي.

کابل (پژواک ۹ وږی ۹۸): د ټاکنیزو شکایتونو کمېسیون وايي چې د ټاکنیزو سیالیو له پیله تر اوسه د ولسمشرۍ ټاکنو د نوماندانو پر ضد ۴۶ شکایتونه ثبت شوي دي.
د ولسمشرۍ ټاکنو د ۱۷ نوماندانو ترمنځ ټاکنیزې سیالۍ په ټول هېواد کې د روان کال د زمري په شپږمه پیل او د همدې کال د تلې میاشتې تر درېیمې نېټې به دوام پیدا کړي.

ترينکوټ (پژواک، ۴ وږى ۹۸): د اروزګان په مرکز ترينکوټ ښار کې د دولت جوړونې ټاکنيز ټيم په کمپايني غونډه کې د نورو ګډوالو تر څنګ د يو شمېر رييسانو په ګډون ګڼ دولتي مامورينو هم برخه اخيستې وه.
دغه ټاکنيزه کمپايني غونډه تېره ورځ  په مرکز ترینکوټ ښار کې د اشرف غني په ملاتړ جوړه شوې وه چې برخوالو یې په راتلونکو ټاکنو کې له ياد ټیم څخه د ملاتړ ژمنه وکړه.
په غونډه کې د دغه ولایت د مخورو، قومي مشرانو، کلیوالي ملکانو او عامو کسانو تر څنګ دولتي مامورينو هم برخه اخیستې وه.

Pages

Subscribe to ټاکنيزې مبارزې