د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکتيکا کې دولتي کارکوونکي او عام خلک پر نوي کابل بانک نيوکه کوي

پکتيکا کې دولتي کارکوونکي او عام خلک پر نوي کابل بانک نيوکه کوي

Nov 26, 2017 - 11:38

ښرنه(پژواک،٥ليندۍ٩٦): پکتيکا کې دولتي کارکوونکي او عام خلک پر نوي کابل بانک نيوکه کوي چې د بېلابېلو ستونزو له امله حواله شوې تنخواوې يې په خپل وخت نه شي ورکولى.

په پکتيکا کې له سهاره د مازيګر تر څلورو بجو پورې د نورو کسانو ترڅنګ د ملي اردو او پوليسو سرتېري د نو کابل بانک دروازې ته ولاړ وي، ترڅو خپلې حواله شوې تنخواوې ترلاسه کړي ، خو مازيګر خالي لاسونه بېرته ګرځي.

د يادو کسانو له ډلې څخه د ملي اردو يوه سرتېري سميع الله (مستعار نوم) د ليندۍ په پنځمه پژواک خبري اژانس ته وويل چې د پنځو ورځو په تېرېدو سره تر اوسه نه دى توانېدلى چې خپله تنخوا ترلاسه کړي.

هغه زياته کړه: (( زما وظيفه په برمل سرحدي ولسوالۍ کې ده لاره نا امنه ده په مشکلاتو راغلى يم غواړم معاش واخلم او کورته يې ولېږم، خو دا پنځه ورځې کيږي چې پيسې نشم ترلاسه کولى.))

دغه راز د کابل بانک مخې ته يو تن پوليس کټواز هم پژواک ته وويل چې د څو ورځو په تېرېدو سره تر اوسه نه دى توانېدلى چې خپله تنخوا ترلاسه کړي.

هغه وايي: (( بيروبار هم ډېر دى، د چاودنې وېره هم شته خو دوى نه شي کولى چې په خپل وخت معاش ورکوي.))

يو تن معلول عصمت الله پژواک ته وويل: (( زه له ولسوالۍ نه راغلى يم، درې ورځې کيږي، بانک مې پيسې نه راکوي په هوټل کې اوسېږم، نو که اوس پيسې راکړي ايله د هوټل پور خلاص کړم.))

يادو او يو شمېر نورو کسانو ويل، د بانک مسوولين ورته وايي چې د تخنيکي ستونزو له امله نه شي کولى په خپل وخت او ډېر ژر دوى ته حواله شوې پيسې ورکړي.

د يادو څرګندونو په غبرګون کې په پکتيکا کې د نوي کابل بانک مشر پيرمحمد پژواک ته وويل چې دغه ستونزه د لنډې مودې لپاره ده او ډېر ژر به حل شي.

ده وويل: (( د زون په کچه په کابل بانک کې تخنيکي ستونزه پيدا شوې او د حل لپاره يې کوښښ روان دى.))

بل لورته د پکتيکا ولايت له مطبوعاتي دفتر څخه په خپره شوې خپرپاڼه کې راغلي چې د دولتي کارکوونکو د تنخواوو په برخه کې له عزيزي بانک سره خبرې روانې دي ترڅو ياده ستونزه هواره شي.

د يادونې  ده چې څو کاله وړاندې کابل بانک له بحران سره مخ شو چې له هغه وروسته دې بانک په دولتي چوکاټ کې د نوي کابل په نوم فعاليت پيل کړ.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement